Kåre Haram
Kåre Haram var ein norsk kunstner (født 1911 - død 1992). Han var ein utprega kolorist. I starten var han ein figurativ målar, men etter kvart gjekk han over til det non-figurative. Bileta var då prega av store, kraftige penselstrøk og sterke fargar. Naturen har alltid vore Harams største inspirasjonskjelde. Kunsten hans gir uttrykk for det han sjøl har opplevd og sett, gjengjeven som visjoner av fagar og form kor livet til fargane sett følelsane i sving.
Liv og virke
Kåre Haram er født og oppvokst på Haramsøya yst mot havet, nord for Ålesund. Han viste tidleg interesse for teikning og fargar og tok tidleg til å måle. Landskapet som han har vokse opp med har spelt ei stor rolle i kunsten hans; det vide havet, den høge himmel og uendelege horistonar har tydleg gjort ein kraftig innverknad på livet hans.
I 1930-åra var han med på ei amatørutstilling i Ålesund. Han blei lagt merke til, og han fekk svært god omtale frå Sunnmørspostens kunstanmelder Olav Haltemark. Då han var 27 år reiste Kåre Haram til Oslo. Hit hadde han med seg nokre teikningar som han viste til Per Krogh, som var teiknelærar ved Handverk- og Kunstindustriskolen. Krogh viste stor begeistring for arbeida og sende han direkte til tredje frihandsklasse. Etter eit par veke vart han henvist til Kunstakademiet, med grunnlaget at han ikkje hadde noko meir å lære ved teiknelinja. Opphaldet til Haram på Kunstakademiet vart avbrutt av krigen kort tid etter. Han tok då kortare teoretiske opplæringar før han vede tilbake til Sunnmøre. Oslo og kunstnarlivet passa han ikkje. Han trivst betre i omgivelsane han voks opp i, og busette seg dermed i Ålesund.
I 1975 vart han tildelt kunstnarprisen i Ålesund.
Kåre Haram var ein kritisk kunstnar, og det skulle mykje til før han var nøgd med arbeida sine. Han var ikkje blant dei mest flittige utstillerane, men deltok likevel i ein del utstillingar. I 1981 hadde han ei større utstilling på Aalesund Kunstforening.
Etter ei utstilling i Oslo i 1991 uttalte Aftenpostens anmelder at no måtte nyare, norsk kunsthistorie skrivast om.
Han døydde i 1992 etter eit lengre sjukeleie etter eit fall på flyterminalen i Hagesund lufthavn då han var på veg til ein separatutstilling han skulle opne i Haugesunds Kunstforening.
Utdanning
- Statens Håndverks- og Kunstindustriskole, aftenskolen Oslo 1942-46
- Konstfackskolan Stockholm 1947-51
- Konstskolan Umeå, grafikkurs Umeå 1979
